Stortalentet gjennomførte i dag sin første trening med Sogndal, etter at utlånsavtalen med Fana utløp ved månadskiftet. Han har teke det med ro eit par veker, etter eit lite uhell på treningsfeltet. No er han klar for Sogndal, og han gler seg.

-Det blir godt å komme i gong, eg gler meg til å trena saman med Kenneth og Leif, og ikkje minst Terje, seier Mathias.

Mathias skal trene med laget ei veke no, før han dreg på landslagsoppdrag, denne gong ei 4-nasjonars turnering i Sverige.

Keepertrenar Terje Skjeldestad er glad for at Mathias er her, og peiker på at treningskvardagane vil få betre kvalitet no som dei er ein keeper til.

- Mathias er eit av de største keepertalenta eg har sett, og eg gler meg til å sjå utviklinga hans, fortel førstekeeper Kenneth Udjus, som og trekk fram det positive med tre keeperar i troppen.

- Også Leif har teke store steg dette året, og me har ei god keepergruppe, smiler Kenneth.

Det var ikkje berre Leif og Mathias som var på trening med Terje i ettermiddag, også sogndaljenta Ane Fimreite var med. Ane er no i bergensklubben Arna Bjørnar, som ligg i toppen i Toppserien. Ane skal snart på samling med landslaget, som blir siste førebuing til VM for U20 som går av stabelen i august i Japan.

Her er nokre bilete frå økta. Foto Rune Sjøberg