Sogndal viste frå start at det er stor skilnad på Tippeligaen og den lokale 3. divisjon, og rulla over eit Florø-lag, som ikkje hadde ein einaste målsjanse i kampen.

Ulrik Flo starta vegen mot tittelen som Femmåls-Flo etter berre to minutts spel, og då hadde allereie Stian Dyngeland vore nær frampå.

Tom Mangersnes varsla før kamp at det var viktig for gutane å vise at dei hadde eit energioverskot etter fridagane, og gutane våre sprang mest og fortast, kjempa best og hadde full kontroll i 90 minutt.

Ulrik stanga inn to mål til og fullbyrda eit ekte hattrick, før Per Egil Flo fastsette pauseresultatet i det 45. minuttet.

2. omgang vart litt prega  av dei mange byttene, men samtlege gjorde friske innhopp.

Den første på skåringslista etter pause var Ruben Holsæter, som sette ein retur i mål etter kårner i det 56. minuttet. Vår sjette skåring for dagen stod Peter Aase for, då han skåra mot gamle lagkameratar eit kvarter før slutt. Då kampen gjekk inn i sluttfasen, tenkte Ulrik at han fekk avslutta slik han starta, så han drog to skåringar til opp av hatten.

Kampfakta:

Treningskamp

Sogndal - Florø 8-0 (4-0)

Fosshaugane Campus

Gult kort Sogndal: Stefan Aase (54)

Mål Sogndal: 1-0 Ulrik Flo (2), 2-0 Ulrik Flo (16), 3-0 Ulrik Flo (31), 4-0 Per Egil Flo (45), 5-0 Ruben Holsæter (56), 6-0 Peter Aase (75), 7-0 Ulrik Flo (84), 8-0 Ulrik Flo (87)

Sogndal starta med dette laget: Kenneth Udjus (ut 69) - Eirik Skaasheim (ut 67), Hannu Patronen (ut 45), Azar Karadas, Per Egil Flo - Malick Mane (ut 52), Eirik Bakke (ut 59), Henrik Furebotn (ut 59), Tonny Brochmann (ut 52) - Stian Dyngeland (ut 45), Ulrik Flo

På benken sat: Leif Lysne (inn 69), Gustav Valsvik (inn 45), Elvis (inn 67), Peter Aase (inn 45), Stefan Aase (inn 52), Ruben Holsæter (inn 52), Stephane Badji (inn 59), Ørjan Hopen (inn 59),