I kveld får me Tromsø på besøk. Sist me møtte dei var i juli på Alfheim. Det var ein kamp der Gutan dominerte i 92 minutter og var i leiinga til dommaren gjorde seg klar til å blese av kampen. Ein belaga seg på eit tap, men so dukka Gustav Valsvik opp og skåra på overtid av overtida, slik at me fekk 1-1 i målprotokollen og eitt poeng med oss på flyet sørover.

Les også: Gustav sikra eitt poeng på overtid!

I kveld er det me som tek i mot Tromsø, og faktisk er Gutan eit lag me har godt tak på heime på Fosshaugane.

Les også: Neste kamp: Sogndal - Tromsø

Ken Henry Johnsen er hovuddommar i dag, og med seg har han Jan Erik Engan og Odd Arne Vangen.

I SogndalBui har me budd oss på haust og vinter, og har no varme og tøffe vinterhuer i tre fargevariantar, alle med Sogndal-logo, til kun kr. 149,-. Me har òg Umbro hettegensarar, t-skjorter, og flotte hanskar med logo på. Me har mange forskjellige typar skjerf til gode prisar. Sving innom SongdalBui før kampstart, eller i pausa!

Storm har meldt at det flotte vêret skal halde fram mot kampstart. Men hugs; det er haustkaldt og svak vind frå nordvest, so det kan vere lurt å kle seg godt. Hugs òg å bruke refleks til og frå kamp, no som me går inn i den mørke årstida.

Me håpar å sjå mange på tribuna i kveld! Billett til kampen kan du kjøpa her.

Laget kjem her på sida klokka 16.45.

God kamp og Stao no pao!