Fredag morgon fekk Jørn Skeide vite at det var han som hadde blitt plukka ut til MOT sin ”Draumedag”. Og kva var hans draumedag? Sjølvsagt det å få verta med på trening med Sogndal sitt A-lag!

Jørn (15) har nettopp byrja i 10.klasse på Kvåle Skule her i Sogndal. Før sommaren søkte alle på 9. trinnet til MOT sin draumedag, og fredag morgon den 25.august skulle gladmeldinga frå læraren komma; Jørn sin draumedag-søknad var blitt valt, noko han ikkje trudde kom til å skje. Etter helga, skulle han få bli med på sin draumdag, saman med Sogndal sitt A-lag.

Måndags morgon, etter først ein time på skulebenken, byrja draumedagen til Jørn. Dagen starta som ein vanleg dag for spelarane, med ein felles frukost. Jørn blei tatt imot av Bjørn Inge Utvik som han fekk setta seg saman med for ein matbit og litt småprating. Vidar etter frukosten blei Jørn med resten av spelarane i garderoben for å gjera seg klar til dagens treningsøkt. Plassert attmed Eirik Schulze følgde Jørn godt med då planen for treninga blei presentert i korte trekk. I garderoba fekk Jørn også helst på resten av spelarane.

Under treninga fekk Jørn bryna seg på litt av øktene laget var gjennom. Han fekk blant anna prøvd seg på spurt-duellar mot Gilbert Koomson, som ikkje var langt unna av å bli slått av 15-åringen. Heilt på slutten av økta fekk Jørn også verta med på skottrening på Dyngeland og Omenås, kor han blant anna satt ein straffe på sistenemnde med stor jubel fra Grodås og resten av guta som ikkje var gått ned i garderoba.

Alt i alt, syntes Jørn at det var kjekt å få bli med på trening med A-laget og få kjenna på nivået, no har han noko å strekkja seg etter. Dagen vart avslutta med lunsj i høgskule-bygget med laget.