Før Avspark

Tromsdalen - Sogndal, TUIL Arena, Avspark kl. 12.00

Me er allereie framme ved runde 29 av årets OBOS-liga, og i dag skal me spela vår siste bortekamp i seriespelet. Me er klare for kampen Tromsdalen - Sogndal.

Då me møtte dei i april, var det nordlendingane som kom best i gong. Tidleg i kampen skåra dei eit strålande mål der kula smalt inn i vinkelen bak Mathias Dyngeland. I andre omgang kunne det fort ha blitt 0-2, då dei skaut i tverra, men berre få minutt før slutt skåra Eirik Schulze på ei heading etter innlegg av Joachim Soltvedt.



Med til Tromsø er to frå juniorlaget som gjekk vidare til semifinalen i NM på Tysdag. Eivind Helgesen og Adrian Solberg har jobba godt gjennom heile sesongen med Sogndal2, og no fortener dei å få smaka litt på det med tur i lag med A-laget. Klikk her for å sjå dagens kamptropp.

Me har snakka med Eirik Bakke før kampen.


Runden
Sjølv om helgas kampar ikkje er spesielt avgjerande for vår plassering på tabellen, gjeld det å halda trøkket oppe slik at me har med oss godkjensla inn i kvalikkampane som kjem.

For resten av laga, bortsett frå Levanger og oss, er runden veldig spennande. Me kan få to nye lag klare til Eliteserien 2019 i dag på Isachsen Stadion! Ved siger til Viking og tap for AaFK kan både Viking og Mjøndalen spretta champagnen i dag. Mange av laga har fortsatt sjansen til å få kvalikkampar, og i botn er det berre avgjort at Levanger tek turen ned neste år.

Dagens kampprogram er slik, alle kampane startar klokka 12.00:
Mjøndalen - Viking
Aalesund - Levanger
Kongsvinger - Nest-Sotra
Notodden - Florø
Sandnes Ulf - HamKam
Tromsdalen - Sogndal
Ull/Kisa - Jerv
Åsane - Strømmen

Slik er tabellen før nest siste serierunde

Spelt S Vunne V Uavgjort U Tap T + - +/- Poeng P Form
1 Viking Viking 30 20 1 9 68 44 24 61 V V V V T
2 Mjøndalen Mjøndalen 30 17 9 4 49 24 25 60 V T V U U
3 Aalesund Aalesund 30 18 5 7 58 31 27 59 V V T T V
4 Sogndal Sogndal 30 15 6 9 47 31 16 51 T V V V T
5 Ullensaker/Kisa Ullensaker/Kisa 30 11 10 9 59 49 10 43 T V T U U
6 Nest-Sotra Nest-Sotra 30 12 7 11 43 41 2 43 V U V U V
7 Tromsdalen Tromsdalen 30 12 7 11 43 47 -4 43 V T T T V
8 Kongsvinger Kongsvinger 30 12 6 12 59 49 10 42 T U V U V
9 HamKam HamKam 30 12 6 12 46 44 2 42 V V T V T
10 Sandnes Ulf Sandnes Ulf 30 11 9 10 43 47 -4 42 V T T U V
11 Strømmen Strømmen 30 12 2 16 49 53 -4 38 T V V U V
12 Notodden Notodden 30 10 6 14 36 40 -4 36 V V V U T
13 Jerv Jerv 30 8 11 11 31 41 -10 35 T T T U U
14 Åsane Åsane 30 9 6 15 38 57 -19 33 T T V T T
15 Florø Florø 30 8 3 19 27 59 -32 27 T T T V T
16 Levanger Levanger 30 3 6 21 32 71 -39 15 T T T T U


Vêrmeldinga
I dag fortel Yr oss at det skal vera nokså guffent på TUIL Arena under kampen. Det kjem eindel regn, og det skal blåsa opptil liten kuling. Sidan me er i Oluf sitt rike (bana ligg i Arthur Arntzens veg), er det på med BF'en, ull- og regnkle. Karane får varta opp med spel som varmar, sidan dei 8-9 gradene som er meldt kan følast nokså kalde.

Vår tolvte mann!
Den flotte gjengen frå Voss/Vik/Jølster er på plass! Me er utruleg glade for at dei er med oss uansett om me er på Strømmen, i Stavanger, heime på Fosshaugane eller kor som helst i landet, og som Eirik Bakke seier i intervjuet over så er dei utruleg viktige for karane utpå bana.

Me håpar at også andre sogningar i området tek turen og støttar oss, slik at Salbu og kompani slepper å stå der åleine. Billett til kampen kjøpast på stadion.

Me legg ut laget omlag ein time før kampstart.

Tromsdalen - Sogndal
TUIL Arena
Avspark klokka 12.00

Stao no pao!!

Annonse fra Obos-ligaen: