Gjorde reint bord i Hamar
Flinke jenter på cup
Sogndal jenter 2006 reiste til Hamar for å delta på Maxi turneringa. Laget består av elleve jenter som likar å spele fotball og har det kjekt ilag.
Første kamp var jentene litt trøytte i første omgang og fekk litt mål i mot. Vakna i andre omgang og fekk til godt spel. Mange på skoringslista og godt lagspel. 8-4 seier mot Brane IL.
Andre kamp mot Freidig vart ein rein parademarsj. Glimrande spel og full kontroll. Stengene fekk køyrt seg og keeper hadde mange redningar. Likevel vant Sogndal 8-0. Freidig fekk aldri til spelet sitt og Sogndal hadde full kontroll heile kampen.
Andre dag i gang på Maxi turneringa. Kamp grytidleg mot Lommedalen IL. Jentene var fokusert og innsats som i andre kampen i går. Knusande 10-1 seier og mange som fekk mål. God start på dagen.
Siste kamp var mot Ringebu-Fåvang FK. Her slo jentene til med fantastisk spel og 11-0 siger.
Helsing
Steinar Atle Selseng
Lagleiar og trenar