Klare til spennande kvalik
På sundag brakar det laust - og me vil ha DEG med som vår tolvte mann!
Ein lang sesong nærmar seg slutten, og me gjer oss klare til siste innspurt.
OBOS-ligaen er ferdigspelt. Viking og Mjøndalen er klare for Eliteserien 2019, og Aalesund, Sogndal, Ull/Kisa og Nest-Sotra skal spela om retten til å møta laget som kjem på 14. plass i Eliteserien. Me har utruleg lyst til å stå att som vinnar 9. desember!
På sundag klokka 16.00 er kvalikspelet i gang: AaFK har heimekamp mot Nest-Sotra, me tek i mot Ull/Kisa på Fosshaugane Campus.
Me har ikkje god statistikk mot Jessheim-laget, og me treng solid støtte frå tribuna for å ta revansje for to triste tap mot dei kyllinggule so langt i sesongen.
KOM PÅ KAMP OG STØTT KARANE!
Sesongkortinnehavarar har gyldig inngang.
Kampbillett, kr 100,- på heile stadion, alle tribunar.
Billett til kampen kan du kjøpa her.
Stao no pao!!