Magien skjer utanfor komfortsonen
Onsdag var omtrent 30 personar frå ulike bedrifter i området samla til salskurs på Fosshaugane Campus.
På salskurset, som var i regi av Sogndal Fotball og Gosh pgp, delte kommersiellterapeut Richard Jacobsen gode råd og erfaring får sitt salsarbeid gjennom 20 år.
"Det handlar om å vere tydeleg og om å vere seg sjølv. Den ærlige sanninga er at ingen blir betre av å sitte her og høyre på meg i dag. Det handler om kva du gjer ut av det sjølv."
Slik starta den energiske sørlendingen, og Jacobsen var raskt ute med å fange oppmerksemda til publikum. Gjennom gode eksemplar og ein tydeleg formidlingsevne fekk deltakarane med seg gode verktøy tilbake til sine bedrifter.
Aktivt publikum
- Dette var supert! Eg er svært nøgd med dagens kurs, og for nokre aktive deltakarar. Det er ikkje første gang eg er på kurs med Jacobsen, men i dag opplevde eg deltakarane som svært aktive og dei kom med mange gode spørsmål, fortel dagleg leiar i Gosh pgp Ole Pette Heggestad.
"Gjere det til sin greie"
- Etter dagen i dag trur eg folk sit igjen med mange inntrykk og tankar. For å få god verdi av kurset er det viktig å gjere informasjonen ein har fått til sin greie, og relatere det til sin kvardag og si bedrift, seier Heggestad.
- Dette har vært ein spennande dag. Eg må jo seie at det er ein utfordring å halde kurs for ei gruppe som er samansett av så mange ulike bransjar. Men samspelet i dag fungerte svært godt, det var ein fin nerve i rommet og mange gode spørsmål, fortel Richard Jacobsen.
Tente på oppdrag frå fotballklubb
Det er ikkje første gang Jacobsen er på oppdrag i Saftbygda, men det var første gang han tok turen til Fosshaugane Campus.
- Eg var svært glad då eg fekk førespurnad frå Sogndal Fotball, og eg tente på oppdraget med ein gang. Det å arrangere eit slik kurs som i dag er jo eit fantastisk møtepunkt, og det korrespondere veldig godt med visjonen til Fosshaugane Campus, fortel ein raus Jacobsen.
Auka generell bevisstheit
- Eg håper at dagens deltakarar har fått ein auka bevisstheit. Og med det meiner eg ein generell bevisstheit; i både kommunikasjon, åtferd, tydelegheit og det å vere seg sjølv. Så er det viktig å få avdramatisert dette med sal, kundar og konsekvensar som gjerne er litt skremmande for folk. Det er så mykje surr rundt idèar kring sal. Så eg håper at dagen i dag har bidrege til å få fram det enkle i det, avsluttar Jacobsen.
Ynskjer di bedrift å arrangerer kurs eller seminar saman med Sogndal Fotball?
Ta kontakt med marknadsjef Stine Lilloe-Olsen [email protected] for ein uforpliktande samtale.
Stao no pao!
Besøk vår bedriftnettside her: www.sogndalfotball.com