Siger mot HamKam
Me fekk ein forsmak på kva som ventar oss i OBOS-ligaen
Sogndal slo nyopprykka HamKam med 2-1 i dagens kamp på La Dame de Noche i Marbella.
Det var Markus Brændsrød og Ulrik Flo som skåra måla våre, framfor 50 tilskodarar i sola og vinden.
Det vart ein rotete, oppjaga og sjansefattig kamp, ein slitekamp som me vil få mange av denne sesongen. Nokon vil nok kalla det for ein typisk kamp i OBOS-ligaen.
Markus ordna 1-0 i første omgang med ein frekk kipp over keeper. Rett etter kvilen utlikna laget frå Mjøsa, men stryningen Ulrik Flo heada ballen i nota til sluttresultatet 2-1 etter eit flott innlegg av Joachim Soltvedt.
Flo stod for bra trøkk og hadde nokre gode tacklingar. Even Hovland var solid.
No reiser karane heim til Sogndal, og neste søndag er det generalprøve på Fosshaugane. Då kjem Åsane til årets siste treningskamp.
Slik vurderte Sogn Avis spelarane i dagens kamp
Desse elleve starta kampen:
Mathias Dyngeland - Tomas Totland, Even Hovland, Per Magnus Steiring, Reiss Greenidge - Stanisa Mandic, Eirik Birkelund, Johan Hove, Eirik Schulze - Markus Brændsrød, Sigurd Haugen
Benken:Kristian Rutlin, Kjetil Haug, Joachim Soltvedt, Ulrik Fredriksen, Sixten Jensen,Kasper Nissen, Didé Fofana og Ulrik Flo.
