Me har toppklubben i Estland på besøk her i Sogndal denne helga, og i morgon klokka 13.00 skal me bryna oss på god motstand på ei flott og grøn matte på Fosshaugane.

FC Flora Tallin er den mestvinnande klubben i Estland med ei rekkje serie- og cupmeisterskap i beltet.

Våre gutar er i oppkøyringa til årets sesong. Me starta opp att med trening her heime tidlegare denne veka, då karane fekk nokre dagar med fri etter ein veldig fin treningsleir i spanske La Manga i første halvdel av februar. Der spelte me to gode kampar mot bra motstand (CSKA Moskva og Odd), og me såg tydeleg at det er noko på gang i mannskapet til Eirik Bakke.

Denne troppen møter Flora Tallin i morgon:

Kjetil Haug, Kristian Rutlin, Eirik Birkelund, Tomas Totland, Eivind Helgesen, Per Magnus Steiring, Stefan Antonijevic, Eirik Lereng, Ulrik Fredriksen, Eirik Schulze, Sivert Mannsverk, Joachim Soltvedt, Sixten Jensen, Sigurd Haugen, Akor Adams, Markus Brændsrød, Martin Ramsland og Mathias Sundberg.

Som me ser er åtte av gutane som herja med G19-laget vårt i fjor haust med i troppen. Mellom anna er Sivert Mannsverk og Eivind Helgesen tilbake etter landslagsspel. Mathias Sundberg har vore med på treningane denne veka og kan få sjansen til å visa seg fram mot god motstand. Jonas Fredriksen er ikkje med, han reiser til Lillestrøm for å spela landskamp med G19-landslaget mot Danmark.

Dette er den siste treningskampen her heime før seriestart. Vil du sjå korleis karane ligg an, bør du difor ta turen!

Treningskamp
Sogndal - FC Flora Tallin
Fosshaugane i morgon klokka 13.00

Inngangspris:
Vaksen: kr 100,-
Born: kr 50,-

Kjøp gjerne billett på nettet! 

Stao no pao!!