Treningskamp mot Las Palmas

Her er dagens lag, og nokre ord frå Bakke

Det er snart klart for treningskamp i vakre Maspalomas på Gran Canaria.

Dagens motstandar er Las Palmas II, som til dagleg spelar i spansk Segunda B división, i lag med lag som Cartagena og Marbella.

Trenar Eirik Bakke gler seg til kampen.

Annonse:
- Det er alltid moro å spela fotballkampar, og i dag skal folk få vise seg fram, og det ser eg fram til.

Gutane har gjennomført tunge treningar desse dagane, og me stiller me to forskjellige lag i 1. og 2. omgang.

- Det har vore tøffe økter her nede, og gutane er nok tunge i beina, men det er slik det skal vera på denne tida av året, fortel Eirik.

Slik startar me kampen:

Mathias Lønne Dyngeland (C) - Akeem Latifu, Ulrik Fredriksen, Per Magnus Steiring, Ole Martin Rindarøy - Stanisa Mandic, Eirik Schulze, Didé Fofana, Eirik Birkelund - Sigurd Haugen, Markus Brændsrød.

I andre omgang startar etter planen dette laget:

Kjetil Haug (treningsopphald) - Tomas Totland,Even Hovland (C), Per Magnus Steiring, Reiss Greenidge - Eivind Helgesen (SIL2) ,Johan Hove, Ulrik Fredriksen, Joachim Soltvedt - Ulrik Flo (treningsopphald), Sixten Jensen (SIL2)

Nokre av gutane som er med til Gran Canaria er ikkje heilt hundre prosent klare til kamp.

- Det blir interessant å sjå nye fjes i kvitedrakta, Kjetil Haug er på treningsopphald og Sigurd Haugen spelar sin første kamp for oss. Me gler oss, seier Bakke, som óg er litt spent på korleis me løyser oppgåva mot ein spelestil me ikkje er van med.

- Me får spelt ein kamp mot eit spansk lag som spelar ein fotball som er litt annleis enn den me kjem til å møte i serien, men dette blir moro, avsluttar Eirik Bakke.

Avspark i Maspalomas er klokka 12.15 lokal tid (13.15 norsk tid).

Annonse fra Obos-ligaen: