Tungt tap i cupen
Det vart 1-3 mot Odd i semifinalen
Det vart 1-3 mot Odd i dagens semifinale på Fosshaugane, og med det er me ute av årets NM. Me gratulera Odd med plassen i cupfinalen.
Tusen takk til alle dei som møtte opp og støtta gutane i kveld!
Me snakka med ein skuffa trenar etter kampen.
Les fyldig kampreferat på Firdaliven
Det vart ein kamp der det kladda eindel i første omgang. Det var noko tungt over laget vårt, me fekk ikkje tempo på ball og skapte ikkje mange sjansar. Odd kunne gå til kvilen med ein fortent 1-0 leiing.
Pausepraten gjorde godt, og det var eit kvikkare Sogndal-lag som kom på for å jakta utlikning.
I det 64. minuttet kom skåringa vår. Mikkel Erlandsen la ein perfekt ball inn til Mathias Sundberg, som heada ballaen vakkert bak Odd sin keeper.
Me var ikkje lenge i paradis, da litt rot og surr gjorde at Odd kunne gå opp i leiinga berre fire minutt etter, og i det 83. minuttet kom den siste spikeren i kista.
No skal me alle vera skuffa og lei oss, men ikkje lenge. Ein må snart opp på hesten att. Det er mykje moro i vente for dette fantastiske laget. Allereie om ei veke skal me spela ny runde i Europacupen, borte mot Sheriff i Moldova. Me skal også til Gøteborg for å delta i Skandinavisk meisterskap.
Ein skal heller ikkje gløyma at det å ta seg til semifinalen i NM for andre året på rad er ein stor prestasjon, og noko me alle skal vera stolte over.
Det ville seg ikkje heilt i dag, men ein ting kan me vera trygge på: Denne gjengen kjem kraftig tilbake! Stao no pao!!
