Litt over tre i går ettermiddag kunne Sogndal Fotball setja føtene på spansk jord igjen. Denne veka skal Bakke og kompani finpussa formen inn mot seriestart.

Etter å ha reist til Oslo i sundag og vidare til Marbella i går, var det ein ivrig gjeng som kunne løyse opp stive fotballbein på La Quinta ved Marbella Footbal Center tidleg i går kveld.

Les meir om Marbella Football Center her

Tidlegare år har La Manga vore plassen for norske klubbar i sesongoppkøyringa, men no  har dette flytta til Marbella. Opplegget er ein del av satsinga til Norsk Toppfotball, og du kan lesa meir om dette på Marbella-sida til NTF.

Sogndal Fotball var eitt av laga som tjuvstarta med Marbella-opphald allereie i fjor, og me bur på det same hotellet i år.

Hotel Guadalmina ligg like syd for Marbella, praktisk talt på stranda. Det er eit flott hotell, og du kan sjå meir av det her. 

Dette er troppen som har reist nedover:

Mathias Dyngeland, Kristian Rutlin, Kjetil Haug, Eirik Birkelund, Markus Brændsrød, Eirik Schulze, Joachim Soltvedt, Per Magnus Steiring, Lars Christian Kjemhus, Sixten Jensen, Stanisa Mandic, Ulrik Fredriksen, Tomas Totland, Reiss Greenidge, Didé Fofana, Kasper Nissen, Akeem Latifu, Johan Hove, Sigurd Haugen, Even Hovland og Ulrik Flo.

Støtteapparatet: Håvard Flo, Eirik Bakke, Terje Skjeldestad, Knut Ripe, Rune Bolseth, Trond Vegard Ripe, Dag Martin Fardal og Ole Erik Grinde.

På plass i Marbella er også klubbmedia ved Rune Sjøberg, og Sogn Avis sin Endre Romøren.

Me skal spela to kampar:

15/3 mot Nest-Sotra
18/3 mot HamKam

Her er nokre bilete frå den første treningsøkta (foto: Rune Sjøberg)