Vik G9 fekk ein draumedag
Gutelaget frå Vik vann ein draumedag med Sogndal Fotball "Me bryr oss"
- Det beste med å spele fotball er at det er ein lagidrett, var det klare svaret frå Vik G9 då dei var på besøk hjå oss.
I vår arrangerte me ein konkurranse der Norsk Tipping, P4, Norsk Toppfotball og NFF ville tilby familien, vennegjengen eller laget i regionen ein draumedag saman med sitt favorittlag i Tippeligaen. Vik G9 vart den heldige vinnaren av ein dag saman med heile Sogndal Fotball.
Gutane i frå Vik hadde gleda seg svært til å treffe alle A-lagsspelarane, og dette var tydeleg stas.
- Det er alltid kjekt å få besøk av unge lovande i frå lokalmiljøet. Me håper at dette kan vere ein dag som er inspirerande for dei, seier Eirik Skaasheim.
Og talenta i frå Vik kunne vise fram både små frekke finter og gode skot. På bana var det stor iver og aktivitet. Latteren og smila satt lett denne dagen, og både små og store koste seg i lag.
Sjå film frå dagen øvst i artikkelen.
Takk for ein flott dag Vik G9! SNP
Foto: Toril Walker Norheim
