Akor Adams er diverre ute i minst tre månader med ein lei ryggskade.

Dette er ein strek i rekninga for trenar Eirik Bakke.

- Med Akor ute, mistar me ein viktig spelar, så dette er veldig kjedeleg, både for laget og ikkje minst guten sjølv, seier Bakke.

- Akor spelte alt av kampar i oppkøyringa til sesongen, dette skulle vera året hans. No skal me ta godt vare på han og sørga for at han får god hjelp med å bli frisk, seier Bakke.

Me traff Akor og fysioterapeut Sondre Sjøgren Jakobsen på behandlingsrommet. Som alltid var Akor audmjuk og reflektert.

Akor og Sondre går gjennom treningsopplegget

- Uansett kva som skjer så takkar eg Gud. No må eg vera positiv og gjera det fysioen seier.

Skaden var ikkje heilt det Akor hadde sett for seg i år.

- Det er jo kjedeleg både for meg og for gruppa, men det er bra at me fann ut tidleg kva som var gale, seier Akor.

- Spelaren har hatt ryggplagar ei stund no, og me foretok ei MR-undersøkelse. Den viste oss ein skade i ryggen som ein må ta hensyn til, seier Jakobsen.

- Akor treng å vera tolmodig no, og trena seg sakte oppatt. Samstundes må han la ryggen få nok kvile, seier Jakobsen.

- Eg håpar at Akor får bli med og bidra mot slutten av sesongen, eg ser fram til å sjå han på bana i kvitedrakta att, avsluttar Eirik Bakke.

- Eg er snart tilbake, smiler Akor.

Me ynskjer Akor god betring!