Bekrefta endringar i speleplanen!

Det har kome nokre endringar i speleplanen for 2025

Etter ønskje frå klubbane i OBOS-ligaen blir det meldt inn ønskje om endringar på speleplanen. No har det kome 3 endringar som gjeld våre kampar.

Ranheim - Sogndal på ny arena

I runde 3 møter me Ranheim på bortebane. Kampen er satt opp måndag 21. april kl. 17:00. I samband med skifte av kunstgras på Extra Arena kan ikkje kampen spelast på hovudarena til oppsett tid. Grunna tett kampprogram var det ikkje ønska å flytte kampen til eit seinare tidspunkt, og speleplanutvalet har difor beslutta at kampen spelast til oppsett tid på Ranheim sin reservearena, Frøya Storhall. Håpar å sjå dykk der!

Hødd - Sogndal frå måndag til søndag

I runde 6 møter me Hødd på Høddvoll stadion, og kampen var opprinneleg satt opp måndag 12. mai kl. 19:00. Begge klubbar ønskte å flytte kampen til søndag, og speleplanutvalet har no beslutta at nytt kamptidspunkt blir søndag 11. mai kl. 17:00. Me håpar sjølvsagt å sjå mange bortesupportarar i Ulsteinvik og gler oss til kamp!

Kongsvinger - Sogndal blir laurdagskamp

I runde 10 møter me Kongsvinger på Gjemselund Stadion, og kampen var opprinneleg satt opp søndag 15. juni kl. 17:00. Då runde 11 spelast allereie onsdag 18. juni ønska ein å endre kamptidspunkt. Speleplanutvalet har no beslutta at nytt kamptidspunkt blir laurdag 14. juni kl. 16:00. Me har gode minner frå Gjemeslund i fjor haust, og kanskje får me nye grunnar til å juble saman med supportarane i år.

STAO NO PAO!

 

Annonse fra Obos-ligaen: