Blårud til Ull/Kisa

Mathias Blårud reiser heim til Austlandet

Mathias Blårud og Sogndal Fotball avsluttar samarbeidet, midtbanespelaren held fram i PostNord-ligaen med Ull/Kisa.

Etter samtaler den siste tida har me i fellesskap beslutta å avslutta samarbeidet, då Mathias følte at tida var inne for å returnera til hovudstaden for å vera nærare kjæreste og familie.

Blårud spelte 69 kampar i kvitedrakta, og han skåra sju mål. Han debuterte i juli 2020 då me slo Åsane 4-1 på Myrdal Gress. Han avslutta mot same klubb då me spelte 1-1 på Åsane Arena i juli i år.

Denne sesongen har ikkje Mathias fått så mykje speletid, og dette har ført til interesse frå fleire klubbar.

Då Ull/Kisa kom på banen, vart me samde om at dette var det rette steget for Mathias vidare.

Sogndal Fotball vil takka Mathias for alle dei flotte opplevingane me har hatt saman i desse to åra, han vil bli sakna både på og utanfor bana. 

Tusen takk for innsatsen, Mathias!

Annonse fra Obos-ligaen: