Deilig siger 16. mai!
Me slo Hødd 1-0 på Fosshaugane!
Det vart 1-0 til Sogndal i dagens kamp mot Hødd. Målet kom i første omgang og vart ekspedert i mål via pannebrasken til Erik Flataker.
Det var ein glad matchvinnar som kunne dra i gang Ropet i lag med publikum og lagkameratar etter kampslutt.
Før kampen i dag vart det litt historisk nostalgi - det er på dagen 30 år sidan trenar Tore André skåra sitt aller første profesjonelle mål. Me veit alle kva som skjedde i dei neste åra med skåringar både her og der. Etter kampen var den høgreiste stryningen berre glad for tre nye poeng i banken.
Les om kampen i Sogn Avis
Erik Flataker skåra mot Åsane, i dag drog han til med ny skåring, denne gang med hovudet. Han kan ikkje ta av i morgon på nasjonaldagen, delar av den vil gå med til lesing til eksamen.
Keeper Renze Fij gler seg veldig over den kursen me har no - og til å gå i to 17. mai tog i morgon. Det vart clean sheet på den sympatiske keeperen vår i dag.
Les fyldig kampreferat i Firdaliven
Sogndal – Hødd: 1–0 (1–0)
OBOS-ligaen, 8. serierunde, Fosshaugane Stadion, tysdag 16. mai
Mål: Eirik Flataker 27. min.
Gule kort: Renze Fij
Domar: Steinar Hauge, Bjarg IL
Tilskodarar: 1676
Sogndal (4–3–3): Renze Fij – Andreas Hoven, Andreas van der Spa, Daniel Arrocha, Per Egil Flo – Isaac Twum (Kasper Skaanes 45. min), Kristoffer Nessø, Valdimar Ingimundarson, – Jonatan Jonsson (Kristoffer Steinset 84. min), Erik Flataker, Sondre Ørjasæter (Martin Sjølstad 71. min)
No skal me feira nasjonalfagen som seg hør og bør i morgon - deretter rettast fokuset inn mot helgas storkamp på Extra Arena i Ranheimsfjæra mot Ranheim. Trønderane var i leiinga to ganger borte mot Kristiansund i dag, men måtte sjå at heimelaget skåra 3-2 på overtid. Billett til kampen i Trondheim får du kjøpt her
