Sogndal Fotball og FC Shkupi er samde om ein permanent overgang for Erik Emanuel Longe Grønner.

Emanuel kom til oss frå Kjelsås før 2022-sesongen etter eit vellukka prøvespel i oppkøyringa. I den fyrste sesongen på Fosshaugadn vart det 24 kampar og 9 mål i OBOS-ligaen og NM. I 2023 gjekk turen til Grimstad og Jerv på utlån fram til sommaren. På hausten var han tilbake i Saftbygda, og kjempa for poeng i kvitedrakta. 

No går turen til Nord-Makedonia og hovudstadslaget FC Shkupi. Dei kjempar i toppen av heimleg liga og ligg an til spel i Europa.

Overgangen har materialisert seg då både klubb og spelar har kome til felles einigheit om at eit salg er riktig for begge partar.

- Dette er ein fin moglegheit for Emanuel. Han går til ein klubb som satsar hardt i sin divisjon og har moglegheit for spel i Europa, seier Håvard Flo.

Me takkar Emanuel for innsatsen i Sogndal og ønskjer han lukke til vidare!

STAO NO PAO!