Johan Hove bytta ut palmesus og treningsleir i Marbella med snø og oppkøyring mot EM-kvalik med Erland Johnsen og resten av G17-landslaget denne veka.

- Eg har stor tru på Johan, var den klare meldinga frå landslagstrenaren då me spurte han om guten som etterkvart har vorte rutinert med flagget på brystet. 26 kampar har han spelt for landet sitt, og han er enno ikkje fylt 17 år.

Sjølv om Johnsen har stor tillit til Johan på bana, er han tydeleg på kva sogndølen må jobba vidare med i videoen over.

- Sogndal er ein god klubb for Johan å vera i i den fasen han er i no, sa landslagstrenaren.

Sjå korleis Johan har det på rommet.

Snart tek G17-landslaget turen til Ungarn for å spela tre viktige kampar, i EM-kvalikens eliterunde. Kjem dei blant topp to i pulja si, vert det EM-sluttspel i Kroatia i mai for dette unge, lovende mannskapet. Slik går våre kampar i Ungarn:

Russland - Norge
21.03.2017 12:00 - Telki, Ungarn

Israel - Norge
23.03.2017 12:00 - Telki, Ungarn

Ungarn - Norge
26.03.2017 12:00 - Telki, Ungarn