Me er framme ved runde 14 av årets Eliteserie, og i dag skal me møta sjølvaste Rosenborg på Lerkendal.

Runden tjuvstarta i går med klassikaren Vålerenga - Lillestrøm på Ullevaal. Det var heimelaget som stod opp og vann ein fortent 3-1 siger, og med det klatra Enga nokre plassar på tabellen.

I dag og i morgon går resten av kampane i runde 14, som består av desse spennande oppgjera:

Laurdag
Vålerenga - Lillestrøm 3-1 (ferdigspelt)

Sundag
AaFK - Odd kl.18.00
Rosenborg - Sogndal kl. 18.00
Sarpsborg 08 - Brann kl. 18.00
Stabæk - Kristiansund kl. 18.00
Tromsø - Sandefjord kl 18.00
Viking - Haugesund kl. 20.00

Måndag
Strømsgodset - Molde kl. 19.00

For alt av statistikk om Eliteserien 2017, sjå VG Live

Me har snakka med ein fin kvartett før kampen i dag.

Eirik Bakke gler seg til kamp, og har prenta inn i gutta at alle må levera maks på Lerkendal.
- Me møter landets beste lag, her må arbeidshanskane på!

Trønderen vår, Bendik Bye, er tilbake i byen han budde i gjennom fire år då han spelte for Ranheim. Får han sjansen frå start i dag, er han klar til å gi bånn gass.

Ungguten Ulrik Fredriksen tek stadig nye steg, og han har stått fram og gripe sjansen etter at han fekk debuten tidlegare i vår. No skal han på Lerkendal, og han gler seg.

Per Magnus Steiring er tilbake i Trondheim og klar til kamp mot gamleklubben Rosenborg Ballklub, Han gler seg veldig, og har tips om resultat og korleis sigersmålet kjem.

Vêrmeldinga
Sola har snudd, men sommarvarmen let vente på seg. Heller ikkje denne gong er Storm og Yr einige, og i dag går me for Storm. Dei kan melda om at sola vil sjå fram mellom skyene under kampen, og gradene vil halda seg trygt rundt 15-talet.

Billettar på bortefeltet kjøpast her

Les meir om Rosenborg her

Rosenborg - Sogndal 
Lerkendal Stadion
Avspark klokka 18.00

Stao no pao!!