Før Avspark
Aalesund - Sogndal. Color Line Stadion, avspark klokka 15:00
I dag er det duka for eit godt bikkjeslagsmål! Me skal barka i hop mot Aalesund på Color Line Stadion i den 23. runden av årets OBOS-liga. Avspark er klokka 15:00.
Slik gjekk det då me møtte Tangotrøyene i den sjette runden. Då vann me 2-0 etter flotte mål av Mansour Gueye og Per-Egil Flo
Dei andre laga spelte sine kampar i går, me fekk desse resultata:
Bryne - Fredrikstad 0-1
Grorud - Raufoss 2-1
HamKam - KFUM 3-0
Jerv - Ranheim 2-1
Stjørdals-Blink - Start 2-2
Strømmen - Sandnes Ulf 2-2
Åsane - Ull/Kisa 3-3
Før dagens kamp, har me denne tabellen
OBOS-ligaen
|
Spelt S | Vunne V | Uavgjort U | Tap T | + | - | +/- | Poeng P | Form | |
|---|---|---|---|---|---|---|---|---|---|---|
| 1 | Haugesund Haugesund | 29 | 21 | 2 | 6 | 84 | 48 | 36 | 65 | U V T V V |
| 2 | Strømsgodset Strømsgodset | 29 | 19 | 6 | 4 | 79 | 34 | 45 | 63 | V V V T V |
| 3 | Kongsvinger Kongsvinger | 29 | 18 | 5 | 6 | 83 | 47 | 36 | 59 | V T V T T |
| 4 | Stabæk Stabæk | 29 | 18 | 4 | 7 | 68 | 35 | 33 | 58 | U V V V V |
| 5 | Odd Odd | 29 | 13 | 7 | 9 | 57 | 46 | 11 | 46 | V V T T U |
| 6 | Bryne Bryne | 29 | 13 | 4 | 12 | 43 | 41 | 2 | 43 | T U T U V |
| 7 | Ranheim TF Ranheim TF | 29 | 12 | 5 | 12 | 73 | 69 | 4 | 41 | T U V V V |
| 8 | Egersund Egersund | 29 | 10 | 8 | 11 | 48 | 57 | -9 | 38 | V U U U V |
| 9 | Hødd Hødd | 29 | 11 | 5 | 13 | 49 | 59 | -10 | 38 | T U V T T |
| 10 | Strømmen Strømmen | 29 | 10 | 6 | 13 | 50 | 62 | -12 | 36 | |
| 11 | Lyn Lyn | 29 | 10 | 4 | 15 | 46 | 59 | -13 | 34 | T T V T V |
| 12 | Sogndal Sogndal | 29 | 8 | 6 | 15 | 48 | 63 | -15 | 30 | T U V V T |
| 13 | Sandnes Ulf Sandnes Ulf | 29 | 8 | 6 | 15 | 42 | 58 | -16 | 30 | U T T V U |
| 14 | Moss Moss | 29 | 8 | 5 | 16 | 41 | 62 | -21 | 29 | V U T T T |
| 15 | Åsane Åsane | 29 | 7 | 5 | 17 | 41 | 65 | -24 | 25 | V T T V T |
| 16 | Raufoss Raufoss | 29 | 6 | 2 | 21 | 31 | 78 | -47 | 20 | U T T T T |
Det er ei stund sidan me spelte kamp sist. Karane har fått samla overskot med litt fri, og på treningane denne veka har det vore trøkk, intensitet og klare meldingar, men óg smil og latter. Det gir ei god kjensle inn mot kampen.
For det er formlaget framfor nokon me skal ut mot i dag. Aalesund og Lars Arne har fått opp dampen og teften av Eliteserien neste år. Det må difor kjempast om kvar ball, me må flytta bein og ha trua. Og me skal vinna i dag!
Trenar Eirik Bakke ser fram til kamp! Me snakka med han rett før avreise til Ålesund.
Karane reiste oppover i går. Vel framme på Møre var det god middag. Endre Kupen steppa inn som reporter og snakka med Martin Ove Roseth og Daniel Eid, som begge kjenner at det er litt ekstra å spela mot AaFK.
Her i Ålebyen er det ein typisk oktobermorgon. Det er grått og regn, og litt småkaldt. Yr fortel at dette skal halda fram utover føremiddagen, men at det inn mot- og under kamp kan vera sjanse for solgløtt. Temperaturen vil vera rundt 5-6 grader.
Det var ein gjeng Saftkokarar, funksjonærar og tilsette frå klubben som reiste oppover i går. Desse vil setja farge på bortefeltet, og det er plass til fleire der. Ta turen og støtt karane!
Billett til bortefeltet kan kjøpast her
Me gler oss til kamp!
AaFK - Sogndal
Color Line Stadion
Avspark klokka 15:00
Stao no pao!!
