Me er klare for runde 9 av OBOS-ligaen. Klokka 17:00 skal det smella i Ranheimsfjæra: Ranheim - Sogndal.

To lag tjuvstarta i går med lokalderby på Jæren. Sandnes Ulf trakk det lengste strået og vann 2-0 over Bryne. Resten av kampane går i dag med avspark klokka 17:00.

Det var ein glad gjeng som kunne gå i årets 17. mai-tog. Sogndal er på toppen av tabellen etter at kampane 16. mai enda slik:

Gratulera med plass på rundens lag, Andreas Hoven. Han har jobba hardt over lang tid og står fram som ein spelar Tore André Flo allid kan stola på.

Tabellen ser slik ut etter åtte kampar:

Våre karar skal møta tabellfirar Ranheim og kom til Trondheim i går etter ein fin tur over fjellet. Stive bussbein fekk seg ei økt på treningsanlegget til Rosenborg, som ligg vegg-i-vegg med hotellet.

Det blir ein tøff batalje i dag mellom to lag som kjempar i toppen av tabellen. Ranheim hadde ein pangstart på sesongen med siger i dei tre første kampane. Me har sanka poeng heile vegen og er inne i ein god flyt. For å halda fram med den gode perioden må me opp mot vårt aller beste nivå i dag.

Sogningar i Trøndelag: Ta turen til Ranheimsfjæra i dag og støtt karane frå tribuneplass! Det hadde vore veldig kjekt om de tok turen! Billett får du kjøpt her

Under kampen skal det vera sol og i underkant av 20 grader, kan henda litt vind. Det er Yr som fortel dette. Smør deg med solfaktor og reis på kamp om du er i området!

Me gler oss til kamp! Stao no pao!!