På vegne av arbeidsgruppa for prosjektet «Saman for å løfte satsinga på jente- og damefotballen i NFF Sogn og Fjordane», deler me invitasjonen til eit ope, digitalt innspelsmøte:

Invitasjon til ope innspelsmøte

Arbeidsgruppa for prosjektet «Saman for å løfte satsinga på jente- og damefotballen i Sogn og Fjordane fotballkrins» inviterer til eit ope innspelsmøte.

Tid: 26.01.21 klokka 17.00-19.00

Stad: Grunna coronarestriksjonane vert møtet gjennomført digitalt på Teams. Her er lenke til møtet: Click here to join the meeting

Møteinnhald: Status for prosjektet, framdriftsplan og innspel frå deltakarane.

Bakgrunn
Sogndal Fotball (SF) og Kaupanger IL (KIL) er samde om å samarbeide tettare for å legge betre til rette for ei felles satsing på damefotball. Sidan mai 2020 har ei arbeidsgruppe sett saman av Vegard Fusche Moe (Sogndal), Margrethe Svidal (Sogndal), Katrine Wolff Bolseth (Sogndal), Åse Neraas (Kaupanger), Heidi-Kathrin Osland (Kaupanger) og Henrik Furebotn (NFF Sogn og Fjordane) arbeidd for å sjå på korleis eit slikt samarbeid kan vere. I januar 2021 fekk arbeidsgruppa ny leiar, Sebastian Kaldestad, som også er engasjert som spelarutviklar på damelaget til Kaupanger IL.

Målsetjing
Hovudmålet til prosjektet er å samarbeide for å gje jente- og damefotballen i regionen eit varig løft for å kunne ha eit stabilt førstedivisjonslag innanfor grensene til NFF Sogn og Fjordane. Konkret skal ein vurdera kva organisasjonsformer og arbeidsmåtar ein kan ha i Sogndal Fotball, KIL, krets og klubbane rundt for å gje betre og meir berekraftige utviklingsvilkår for jente- og damesatsinga i regionen.