Johan på landslaget!

Johan Johannessen Bakke er utteken på G16-landslaget

Ikkje lenge etter at han fekk debuten i OBOS-ligaen, vart Johan Johannessen Bakke beløna for hard jobbing med ein ny milepæl: Uttak til treningssamling med G16-landslaget!

I oktober skulle G16-landslaget vore i Østerrike for å spela EM-kvalifisering. Dette er avlyst på grunn av koronasituasjonen, men istaden samlast laget til treningssamling ved Gardermoen.

Johan gler seg til landslagssamling!
Johan gler seg til landslagssamling!

- Koronaen har ført til ein annan situasjon, men ein situasjon me skal utnytta best mogleg. Dei fleste land har ikkje samlingar, men me får samla oss no. Det er me veldig takksame for. Me skal vera best mogleg førebudde til EM-kvalifiseringa når den ein gang kjem, seier G16-landslagstrenar Jan Peder Jalland til fotball.no

Treningssamlinga går av stabelen i perioden 5. - 10. oktober. 

- Eg vart veldig glad då eg fekk meldinga, seier ein smilande Johan etter dagens trening.

- Mange av dei uttekne var gutar eg spelte i lag med i Porsgrunn tidlegare i sommar, det blir kjekt å sjå dei att no, seier unge Bakke.

Johan var på Equinor talentleir i august - les meir om den her

- Johan har vore med oss i treningsgruppa sidan me starta opp etter koronapermitteringa, og han har lagt ned mykje hard jobbing som han no får løn for, seier ein stolt toppspelarutviklar Rune Bolseth.

- Dette er veldig kjekt både for Johan og for klubben, og det er veldig fortent at Johan no skal få trena i lag med dei beste i landet i hans aldersgruppe, held Bolseth fram.

Dette er troppen:
Andreas Albertsen - Sandefjord
Magnus Rugland Ree - Sandnes Ulf
Storm Kolbjørnsen - Vålerenga
Adhurim Mjeqiki - Sarpsborg 08
Jesper Robertsen - Tromsø
Vetle Haug Espevoll - Viking
Olav Veum - Stabæk
Kristoffer Paulsen - Viking
Jonas Vallan - Haugesund
Markus Welinder - Sarpsborg 08
Tobias Sagstuen - Raufoss
Sebastian Stokke - Ull/Kisa
Anders Totland - Brann
Emir Derviskadic - Sarpsborg 08
Isak Tomar Hjorteseth - Fyllingsdalen
Berkay Duman - Strømsgodset
Johan Johannessen Bakke - Sogndal
Daniel Dalehaug - Elverum
Oliver Braude - Vålerenga
Sondre Solhaug - Bodø/Glimt
Henrik Skogvold - Lillestrøm
Phillip Schie - Stabæk
Sadir Abud - Fredrikstad
Albert Tjåland - Molde
Marius Broholm - Rosenborg
Moutaz Ali Alzubi - Andenes
Oskar Sivertsen - Kristiansund

Stao pao, Johan!!

Annonse fra Obos-ligaen: