Kampen mot Raufoss er flytta

Årsaka til at kampen blir flytta er at Sogndal har heile åtte spelarar tekne ut til landslagsoppdrag: Sverre Stavø (G17), Emil Lunde Hillestad (G17), Elias Flo (G18), Harald Woxen (G18), Ronney Onyango (Kenya), Lukass Vapne (Latvia), Onni Helén (Finland U21), Tuomas Pippola (Finland U21).

Flyttinga inneber at Sogndal får tre uker utan seriekampar i landslagspausen. Den første kampen etter pausen blir bortemøtet med Åsane søndag 11. oktober.

Deretter ventar eit tett kampprogram med to kampar i veka gjennom resten av oktober. Hovudtrenar Eirik Bakke meiner perioden fram mot Åsane kampen blir viktig for laget.

– No får me byggje vidare på spelet og gjere oss klare til avslutninga av sesongen, med to kampar i veka, seier Bakke.

I tillegg til seriekampane skal Sogndal spele bortekamp i cupen 28. oktober. Motstandaren blir vinnaren i oppgjeret mellom Lillestrøm og Bærum.

Ny kampdato

Sogndal – Raufoss
Fosshaugane Campus
Onsdag 21. oktober
Kl. 19:00