Sogndal Fotball og IFK Norrköping er samde om ein overgang for Daniel Fritz Eid.

Daniel kom til Sogndal før 2020 sesongen, og karen frå Ulsteinvik spelte 63 kampar i Kvitedrakta og skåra sju mål.

Han kom inn som eit friskt pust i klubben, og var ein populær kar hjå publikum på Fosshaugane med sin energiske spelestil. 

- Gjennom to år med oss har Daniel hatt ei veldig fin utvikling, der han har gjort seg meget interessant og attraktiv for andre og større klubbar i inn- og utland, seier Håvard Flo.

- Me hadde eit sterkt ønskje om å behalde Daniel vidare i Sogndal, men når denne moglegheiten opna seg for Daniel måtte me foreta ei totalvurdering, og då etterkom me hans ønskje om å få reise.

Me takkar Daniel for innsatsen, og ønskjer han lukke til vidare!