Kretsmeistrar for smågutar og gutar etter overtydande spel

Det er femte gong me vinn desse årsklassane same året

Framsida / Nyheiter /

Sogndal har i 2020 blitt kretsmeistrar for smågutar og gutar etter overtydande spel.

Smågutane vann 5-1 over Stryn i den avgjerande kampen, medan guttelaget har slått Høyang med 6-2 over to kampar. Den siste kampen på Fosshagane i dag enda 2-2.

Dette er femte gongen at Sogndal vinn begge desse årsklassane same året. Den første kom i 1964 då Sogndal hadde to sterke lag. Gutane vann 3-1 over Tornado, og laget hadde Per Ingar Sviggum som trenar den sesongen. Fleire av gutane tok steget opp på A-laget seinare. Namn som Kjell Jakobsen, Edvin Holme, Bjarne Foss og Finn Egil Skjeldestad tok steget opp.

Også smågutane triumferte då de slo Høyang 3-0 på den vesle grusbana i Vik. Også det laget med ei rekkje framtidsspelarar for Sogndal. Rolf og Geir Navarsete, Karsten Bjelde, Bjørn Loftesnes og Terje Bjelle. Leon Hovland var og i startfasen dette året.

Me måtte venta til 1993 før den neste dobbelsigeren skulle koma. Guttelaget vann det som var, også det uoffisielle NM, Adidas Cup. Kaptein Eirik Bakke styrte laget når han ikkje var oppteken med spel for A-laget eller Sogndal 2. I forsvaret viste Eirik Hillestad prov på noko som skulle bli A-lagsspel seinare. Terje Skjeldestad var i gang med målvaktskarrieren. Ei rekkje gode spelarar på dette laget som heldt fram på Sogndal 2 og Fjøra. I finalen mot Sandane vart det spenning, både ekstraomgangar og straffekonk måtte til, og der Vegard Takle Olsen avgjorde til slutt.

Smågutane var heilt suverene i sin finale med 4-0 over Haugen. Vidar Vadseth og Stefan Friis Johansen var sentrale på eit fintspelande lag, og dei to var også innom på guttelaget saman mmed Dan I. Bruheim. Desse årgangane var svært talrike og med mange svært talentfulle spelarar. Så vel Sogndal som fleire av dei lokale klubbane har nytt godt av det.

Så gjekk det tre år, og på ny tok Sogndal for seg av KM-titlar. Smågutane i 1996 med Kurt Heggestad og Geir Erik Røysi i spissen slo til med solid siger 2-0 over Stryn på grusbana i Sogndal. Bortekampen i Stryn enda 2-2, så Heggestad sine to scoringar på Fosshaugane-grusen sikra pokalen.

Guttelaget hadde og ein sterk sesong og slo Tornado 4-0 etter sambafotball i finalen. Spelarar som Ole Navarsete, Henrik Salveson, Terje Flugheim, Terje Kvam, Daniel Kvåle og Anders Stadheim. Alle med A-kampar for Sogndal seinare. Kaptein Eyvind Øgar styrte laget på sikkert vis.

Så skulle det ta nokre år før det vart dobbel-KM igjen. I 2013 hadde Sogndal to gode lag på gang. Smågutane vann 1. divisjon suverent, og etter 6-2 over Førde i den siste heimkampen var KM-tittelen sikra med god margin. Smågutane var eit fintspelande lag med trioen Stig Nord, Magdalon Sætre og Kåre Rutlin i trenarstaben. Fleire av gutane har prega sogndalsfotballen på mange vis dei seinare åra. Anders J. Nord, Adrian Solberg, Johan Hove og Thea Bjelde bidrog godt på dette fintspelande laget.

Det same kan me seia om guttelaget. Dei slo Tornado 4-2 i den avgjerande kampen. Spelarar som Håvard Stedje, Andreas L. Olsen, Henrik Navarsete og Kristian B. Rutlin vart det ein sesong prega av godt spel og offensiv fotball.

2020 vart avrunda denne søndagen der gutelaget spela 2-2 mot Høyang. Etter 4-0 i bortekampen vart det aldri tvil om sigeren. Smågutane var også suveren og slo Førde 5-1 i sin avgjerande kamp. Så dette har vore eit godt fotballår for dei unge sogndalsspelarane.