Krigesiger mot Lyn!

Jadda! Me krigar med oss 3 viktige poeng heim til Sogndal. Lyn tok leiinga etter 14 minutt spelt, men Felix Eriksson og Edmund Baidoo snudde kampen før pause. I andreomgang blir me spelt lave, men med lagmoral og kynisme krigar me sigeren i hamn. Sjå høgdepunkta her:

Det var heimelaget som opna kampen best, og etter 14 minutt spelt tok dei leiinga. Anders Bjørntvedt Olsen banka ballen forbi Lars Jendal, og det stod 1-0 på Bislett. Det tok ikkje lang tid før me skulle slå tilbake.

Ettet 19 minutt spelt var det Edmund Baidoo som kom seg fri til høgre. Forsøk nummer 1 vart avverga og klarert, men Andreas Hoven vann tilbake ballen og fann Baidoo igjen. På forsøk 2 fann høgrekanten Felix Eriksson som heada inn utlikninga. Det stod dermed 1-1 på Bislett, og karadn var i gang.

Etter 38 minutt kom det avgjerande målet, og det var Edmund Baidoo som stod for vinnarmålet. Edmund vann ballen høgt i bana etter å ha pressa Lyn sitt forsvar. Åleine med keeper gjorde han ingen feil, og kunne juble saman med Safkokaradn. I andreomgang var det Lyn som hadde mest ball, og me vart spelt lave. Gode redningar frå Lars Jendal og viktige blokkeringar frå forsvaret gjord at Lyn ikkje fekk ballen i mål. Dermed tek me med oss 3 viktige poeng heim til Sogndal!

Tusen takk for fantastisk støtte på tribuna i dag! Det er alltid kjekt å sjå mange supportarar på bortefeltet når me kjem til Oslo. I dag var det dykk som fekk ut det siste ekstra som vippa kampen i vår favør!

Neste kamp er heime mot Kongsvinger, og det er siste kamp før sommarpausen. Me gler oss til Lerum Cup, og eit fullsatt Fosshaugadn i den siste kampen før ferien. Du kan kjøpa billett allereie no, og me anbefalar å vera tidleg ute for å sikre deg ein billett!

Kjøp billett her!

STAO NO PAO!