Mathias på utlån
Sogndal Fotball og Øygarden FK er samde om ein utlånsavtale for Mathias Sundberg
Sogndal Fotball og Øygarden FK er samde om ein utlånsavtale for Mathias Sundberg.
Avtalen strekkjer seg fram til og med 31/7, og kjem under Nasjonal Utlånsordning for spelarar i alderen 18-22 år. Les meir om dette her.
Me har ein del spissar i stallen, og Mathias kjem litt bak i køen samstundes som han treng speletid.
- I Øygarden vil Mathias kome inn i ein god kampkvardag der han får spelt viktige kampar i ein god liga, dette vil utvikla han vidare, seier Håvard Flo.
Det er gode relasjonar mellom Øygarden og Sogndal. Mathias vil møta lagkamerat Eivind Helgesen, som óg er på utlån, og Fredrik Flo som er fast i troppen i Ågotnes.
- Me kjenner Øygarden godt, og no med Tommy Knarvik ved trenarroret er me sikre på at dette blir ein fin og utviklande tid for Mathias, avsluttar Håvard Flo.
Me ønskjer Mathias masse lukke til i Øygarden!
