Planlegginga av 2025 er allereie godt i gang for dei fleste klubbar, og ein viktig del av det er korleis ein skal få ei best mogleg sesongoppkøyring. I perioden mellom januar og april tilbyr me tilrettelagde treninghelger for ditt lag med perfekte treningsforhold i Sognahallen!

Sognahallen stod ferdig i 1998 og har fotballbane med internasjonale mål, 104x64 meter. Det vart lagt nytt dekke av beste sort sommaren 2023. I vinterhalvåret kan ein trene både tørt og varmt inne i hallen sjølv om snø og is hindrar utandørs aktivitet. Sogndal Fotball kan tilby ei treningshelg av ypparleg kvalitet for både elite- og breiddefotball.

Forslag til opplegg me kan tilby:

• Torsdag: Ankomst Sogndal og moglegheit for trening i Sognahallen
• Fredag: Trening i Sognahallen eller treningskamp + sosial samling på Quality Hotel
• Laurdag: Treningskamp eller trening + tilgang til idrettssenteret på Fosshaugane Campus
• Søndag: Trening i Sognahallen

Få pristilbod på hotell og alternativ overnatting ved å kontakte Ørjan Hjellhaug.

STAO NO PAO!