Oppdatering på skadesituasjonen

Me har vore utfordra med eit stort mannefall denne sesongen, der ei rekkje av karane våre er ute med skade i lang tid. På biletet over ser me Blårud, Kryger og Mansour, alle ute med skade.

Me fekk ein oppdatering på skadesituasjone av trenar Eirik Bakke i dag.

Mansour Gueye vart 28/6 operert i Bergen grunna ein kneskade. Operasjonen var vellukka. Forventa rehabiliteringstid er 4-5 månader.

Med i bilen til Bergen var Kristoffer Nessø, som fekk behandling for ankelskaden sin, han er ute i rundt åtte veker. Anders Nord slit også med ankel og er ute fram til haustsesongen.

Axel Kryger fekk seg ein skikkeleg trøkk mot HamKam og har vore ute med hjerneristing. Axel er i gang att på feltet, men er tidlegast aktuell til mandagens kamp mot Strømmen. Då er det venta at Peter Michael óg er klar til dyst.

Mathias Blårud er tilbake i bygda! I dag var han så smått på feltet, men han må ta det veldig roleg i lang tid framover. Mathias fekk som kjent brok i kinnbeinet tidlegare i år, og har fått operert inn plater i fjeset. Naturlegvis må han ta det veldig roleg framover, og han er så smått i gang med roleg jogg på bana. Det vil ta tid før han får lov til å vera med og trena med ball.