Poengdeling i Kristiansand
Det vart 1-1 på Sør Arena
Det vart 1-1 og poengdeling mellom Start og Sogndal i dagens kamp på Sør Arena i Kristiansand. Stillinga til pause var 0-0.
Fyldig kampreferat på Firdaliven
Start tok leiinga på straffe, men me slo tilbake, og Kristoffer Hoven utlikna på ei heading etter innlegg frå broder Andreas.
Størst dramatikk vart det då Mathias Blårud skalla i Tjærandsen-Skau og begge vart liggande. Mathias blødde eindel, det vart litt hektisk. Mathias vart lappa saman av Espen Johnsen, ein gamal keeperhelt frå Kristiansand.
Me fekk ein kort prat med trenar Eirik Bakke etter dagens poengdeling på Sør Arena.
Eirik var nøgd med innsatsen karane la ned, og letta over at det ikkje var så ille med Mathias som det kunne sjå ut i starten.
Kaptein Flo var nøgd med eitt poeng mot Start, og Andreas Hoven spelte ein god kamp.
Start – Sogndal 1–1 (0–0)
OBOS-ligaen, 15. serierunde, Sør Arena, søndag 22. august
Mål: 1–0 Eman Markovic 51. min, 1–1 Kristoffer Hoven 63. min
Gule kort: Henrik Robstad, Ask Tjærandsen-Skau, Start, Tord Salte, Emil Palsson, Kristoffer Hoven, Sogndal
Domar: Marius Lien, Fossum IF
Tilskodarar: 1635
Start (4–2–3–1): Amund Wichne – Jon-Helge Tveita, Henrik Robstad, Luc Mares, Kristoffer Tønnessen – Kristoffer Valsvik, Ask Tjærandsen-Skau – Eman Markovic, Eirik Schulze (Cameron Cresswell frå 77.), Sander Sjøkvist – Martin Ramsland
Sogndal (3–4–3): Renze Fij – Tord Salte, Martin Ove Roseth, Eirik Lereng (Endre Kupen frå 55.) – Daniel Eid, Emil Palsson (Tobias Bjørnebye frå 82.), Mathias Blårud (Johan Bakke frå 37.), Per-Egil Flo – Andreas Hoven, Jerome Akor Adams, Kristoffer Hoven
