Poengdeling mot Strømmen

Samandrag frå kampen kjem.

Me måtte nøye seg med eitt poeng då Strømmen gjesta Fosshaugane Campus søndag kveld.

Det vart aldri nokon stor fotballkamp på Fosshaugane. Strømmen hadde mest ball gjennom store delar av oppgjeret, og kampen utvikla seg til ein skikkeleg krigekamp med mange duellar.

Sogndal sleit særleg før pause. Etter kvilen la Eirik Bakke om til 4-2-3-1, og det gav betre balanse og meir kontroll i spelet. Heimelaget kom høgare i bana og fekk etter kvart skapt nokre farlege situasjonar.

Etter 75 minutt kom leiarmålet. KP Arierhi snappa opp eit tilbakespel til Strømmen-forsvaret, runda keeper og sette ballen kaldt i mål frå skrått hald. Eit mål som såg ut til å sikre tre viktige poeng.

Men Strømmen gav ikkje opp. Då klokka viste 88 minutt kom utligninga til 1-1, og dermed vart det poengdeling på Fosshaugane.

Sogndal pressa på i sluttminutta, men klarte ikkje finne eit nytt vinnarmål. Sjølv om det var surt å miste leiinga så nær full tid, fortjente me ikkje alle tre.

Me tek med seg eitt poeng frå ein kamp der prestasjonen ikkje var på sitt beste.

STAO NO PAO