Det vart 4-2 og tre viktige poeng mot HamKam i kveldens kamp på Fosshaugane.

Les fyldig kampreferat i Firdaliven

Det vart ein pangstart på dagens kamp. Allereie etter femti sekund på bana i sin debut frå start i OBOS-ligaen, spelte Anders Nord gjennom dagens bursdagsbarn Kristoffer Hoven. Pang i nota og 1-0!

HamKam utlikna eit stykke ut i ein omgang som var litt daff og nokså utan sprut. 1-1 til pause, kor Eirik Bakke tok fram strengestemma.

Etter kvilen var det køyring mot eitt mål. Tomas Totland sendte oss i leiinga og kort tid etter viste Kristoffer seg fram på ny med ei flott skåring.

Mange såg føre seg at det då ville bli ein komfortabel siger, men så vart det spenning til slutt likevel då gjestene reduserte til 3-2. Skulle me klare å rota det til?

Neidå, Markus Dahlen Brændsrød. Mannen som har gått skada, blitt frisk, men skada att. Endeleg fekk han si første skåring i kvitedrakta!! 4-2 og tre viktige poeng.

Her er TV-bileta frå kampen

Les om kampen i Sogn Avis

Sogndal – HamKam 4–2 (1–1)

OBOS-ligaen, 8. serierunde, 10. august, Fosshaugane Campus

Mål: 1–0 Kristoffer Hoven 1. min, 1–1 Jonas Enkerud 36. min, 2–1 Tomas Totland 71. min, 3–1 Hoven 73. min, 3–2 Jo Nymo Matland 89. min, 4–2 Markus Brændsrød 90. min

Gule kort: Anders Nord, Sogndal og Markus Solbakken, HamKam

Domar: Steinar Hauge, Bjarg IL

Tilskodarar: 200

Sogndal (3–4–3): Renze Fij – Eirik Lereng (Axel Kryger frå 46.), Per Magnus Steiring, Martin Ove Roseth – Daniel Eid, Sivert Mannsverk, Mathias Blårud (Tomas Kristoffersen frå 62.), Tomas Totland – Anders Nord (Alioune Ndour frå 62.), Endre Kupen (Markus Brændsrød frå 78.), Kristoffer Hoven (Filip Mardal frå 90.)

HamKam (4–4-2): Lars Jendal – Ruben Guerra, Vetle Skjærvik, Kristian Strande (William Mikalsen frå 70.), Jo Nymo Matland – Lars-Gunnar Johnsen, Markus Solbakken, Tobias Svendsen, Kristian Onsrud (Anders Dieserud frå 66.) – Marcus Pedersen, Jonas Enkerud