NFF har i samarbeid med Norsk Toppfotball, Fotball Media, TV 2 og SINTEF Digital satt opp kampane for Eliteserien 2023. Fredag vart speleplanen presentert i ei TV 2-sending. I dei 15 første rundane er óg TV-kampane fastsatt. 

Slik spelast runde 1

- Det har vore eit godt samarbeid og blitt lagt ned eit veldig bra arbeid med speleplanen. Det er umogleg å innfri alle klubbønskjer, og nokon vil sikkert bli skuffa over enkeltkampar, men me har tru på at produktet vil bli tatt godt imot og gler oss veldig til 2. påskedag, seier leiar av konkurranseavdelinga i NFF, Nils Fisketjønn.

- Det er også i år lagt stor vekt på å tilpassa og leggje tilhøva til rette for våre klubbar som skal delta i E-cup. Det å nå gruppespel i Europa-turneringar betyr svært mykje for norsk fotball. Klubbane som skal ut i UEFA-turneringar gis anledning til å flytta frem to heimekampar i runde 15-19 samt anledning til å utsetje heimekamp mellom play-off rundene. Det vil settast ein frist før seriestart for disse flyttingane. Kamptidspunkta er óg koordinert mellom Eliteserien og OBOS-ligaen, og mykje arbeid er lagt ned i å unngå aktivitetar samstundes i same by, fortset han.

- Det blir mykje norsk fotball i 2023 med seriespelet, to NM og forhåpentlegvis fleire lag som går vidare i Europaspel. Me gler oss allereie til 2. påskedag. Klubbane er klare for å skapa gode opplevingar. Og me opplever at mange supportarar av norsk fotball ser fram til neste sesong allereie sier kommersiell leiar i Norsk Toppfotball, Pål Breen.

Rettighetshavar TV 2 gler seg stort til den norske fotballen rullar att.

- Me har vår eigen kalendar i TV 2 Sporten, har nedteljing og gler oss til 10. april som eit barn til julafta. 122 dagar att no til det me har tatt mål av oss å skapa, nemleg tidenes seriestart for norsk fotball. Me er stolte og glade over å få komme heim til folkebevegelsen norsk fotball og bidra med eit heimebane-løft som er TV 2s største sportssatsing nokonsinne, seier sportsredaktør i TV 2, Vegard Jansen Hagen.

Her er speleplanen for OBOS-ligaen 2023