Sogndal Fotball er sertifisert som NFF Kvalitetsklubb

Sogndal Fotball har blitt sertifisert som NFF Kvalitetsklubb

Sogndal Fotball kan med stor glede melda om at klubben har fullført prosessen med å bli sertifisert som NFF Kvalitetsklubb. 

Norges Fotballforbund tilbyr klubbane i Norge å bli Kvalitetsklubb slik at ein i endå større grad kan legga til rette for gode fotballopplevingar. 

Sogndal Fotball ser på dette som ein unik sjanse for utviklinga av aktiviteten, organisasjonen, kompetansen og samfunns- og verdiarbeidet i Breiddefotballen i Sogndal.

Klubben har utarbeida og sendt inn planverk og dokumentasjon til NFF Sogn og Fjordane for godkjenning. Dette har vore veldig givande og lærerikt og no har ein lagt grunnlaget for å utvikla fotballen vidare i Sogndal. 

På heimesida til Sogndal Breiddefotball kan ein no lesa den nye Klubbhåndboka, Sportsplan, Skuleringsplanar, planar for blant anna dommarutvikling, rekruttering og Fair Play. I tillegg kan ein også sjå fleire rollebeskrivelsar, oversikt over treningstider, klubben sitt årshjul, informasjon om Akademiet og mykje meir.

Heimesida kan såleis nyttast som oppslagsverk for svar på spørsmål, klikk her for å lesa meir 

Med alt dette på plass har Sogndal Fotball tatt første steget i NFF Kvalitetsklubb og ser fram med stor glede mot det neste steget som er at det skal fungera i praksis.

For å lesa utfyllande informasjon om NFF Kvalitetsklubb kan du besøka Norges Fotballforbund sine sider ved å klikka på linken her

Saman med spelarar, trenarar, lagleiarar, foreldre og alle som er involvert i fotballen i Sogndal ynskjer me å skapa ein positiv og utviklande arena. 

Sogndal Fotball ynskjer å takka NFF Sogn og Fjordane for eit meget godt samarbeid og rettar ein ekstra stor takk til våre veiledarar Evy Rossetvik og Henrik Furebotn.

Stao no pao!