Sogndal - KFUM Oslo
Fosshaugane Campus - Avspark klokka 15:30
OBOS-ligaen er på den siste oppløpssida – me er allereie framme ved den 26. runden av årets seriespel.
Me har fire kampar i dag, og to i morgon. Etter at Grorud og Stjørdals-Blink måtte i koronakarantene, er kampane Jerv - Grorud og Strømmen - Stjørdals-Blink utsatt.
Fem kampar står altså att for karane til Eirik Bakke. Me skal spela tre heime, og to borte. I dag gjer me oss klare til Sogndal – KFUM Oslo!
Me står foran ein tøff kamp i dag. Kåffa er eit godt lag. Det fekk me merka på Ekeberg i juli, då me fekk ein skikkeleg på nasen. Profetane har ikkje tapt sidan i september og er ligaens formlag.
Eirik Bakke ser fram mot kampen
Endre Kupen håpar på skåring i dag
Me må rett og slett opp på hesten! I dag må me vera kyniske bakerst og stenga buret – og me må vera kliniske i den andre boksen – der må me opna buret!
Det unge gjengen til Bakke og kompani har hatt ein tøff haust. Me har fått smaka på det! Det bur så mykje bra i desse gutane og om ein ser på prestasjon bak resultat, er me på rett veg.
Eirik sa det før sesongen, og gjennom sesongen – Folk må vera tålmodige med denne gjengen!
Me har fått sjå kva som bur i dei i mange kampar der karane har begeistra! Så må me tåla at det ikkje alltid går slik me vil – men me har i alle fall gjort ærlege forsøk.
I dag går me sjølvsagt for tre poeng! Kampen i Oslo ligg der som ein gulrot til revansje. I dag skal me Stao Pao! Arbeidshandskane skal på, og det blir full innsats – den svoltne gjengen vår er klare til kamp og me gler oss!
Runde 26 av OBOS-ligaen 2020
Sogndal – KFUM
Fosshaugane Campus
Avspark klokka 15:30
Stao no pao!!