Sterk 4–2-siger: – Viktig for heile bygda

– Dette var heilt fantastisk. Me veit at me har hatt det inne. No fekk me ei utløsing med eit sånt resultat. Berre å nyte no, så skal me leve på detta i kveld og i morgo, så må me nullstille. Ny kamp til helga, og like viktig å ta tre poeng då, seier kaptein, Even Hovland.

– Dette var herleg å sjå på ein sånn dag, og etter alt som har vore så var det viktig, seier Eirik Bakke etter kampslutt.

Han var tilbake på Fosshaugane Campus. Denne gong som mellombels hovudtrenar. Og det kunne ikkje endt stort betre. 4-2 etter ein fantastisk kollektiv innsats.

– Poenga er jo veldig gledelege, men måten spelerane tok kampen på, måten dei angreip kampen på, det var veldig bra, seier Bakke.

– Me vart litt slitne i andre omgang, men me fekk gode innbyttarar. Og så hadde me ein sjef bak der som eg ikkje har sett før – Even – og då vinn me kampar, seier Bakke.

Til slutt dreg han fram betydninga sigeren har lokalt:

– Eg trur det var viktig for heile bygda, heile Sogn og Fjordane og Sogndal at me vann denne kampen. Det var moro å vere tilbake, sier han.