Surt tap på Gjemselund
Kongsvinger vann 1-0 i dagens kamp
Det vart heimesiger i dagens kamp mellom Kongsvinger og Sogndal.
Den einaste skåringa i kampen kom etter 29 minutt av første omgang, på heimelaget sin første moglegheit. Adem Güven har skapt trøbbel for oss før, og han skåra nok ein gang mot Sogndal.
Det blei med den eine skåringa, og sjølv om heimelaget misbrukte eit straffespark, sat ein med ei kjensle om at dette var eit veldig ufortent tap.
Trenar Tore Andre Flo var frustrert etter kampen, men såg også mykje positivt me skal ta med oss heim.
Kasper Skaanes hadde ein stor sjanse til å skåra, men som resten av karane fekk han det ikkje til å klaffe i boksen.
Me snakka med ein skuffa keeper etter kampen.
Les fyldig kampreferat i Firda-liven
Kongsvinger – Sogndal 1–0 (1–0)
No skal me til Lysekloster og spela cup på torsdag, på søndag tek me i mot Start heime på Fosshaugane. Då skal me slå tilbake! Kjøp billett til den kampen her
OBOS-ligaen, 10. serierunde, Gjemselund stadion, måndag 29. mai
Mål: 1–0 Adem Güven 29. min
Gule kort: Daniel Arrocha, Kasper Skaanes, Sogndal
Domar: Ajdin Medic, Trosvik IF
Tilskodarar: 1718
Kongsvinger (3–5–2): Samuel Strömberg – Fredrik Holmé, Lars Christian Krogh Gerson, Mats Haakenstad – Oscar Solnørdal (Jesper Grundt frå 46.), Martin Vinjor, Harald Holter, Vegard Leikvoll Moberg (Daniel Lysgård frå 46.), Martin Hellan – Joacim Holtan (Ludvig Langrekken frå 79.), Adem Güven (Sander Marthinussen frå 69.)
Sogndal (4–3–3): Renze Fij – Andreas Hoven, Andreas van der Spa, Daniel Arrocha, Martin Sjølstad (Per-Egil Flo frå 69.) – Kristoffer Nessø (Isaac Twum frå 69.), Valdimar Ingimundarson, Kasper Skaanes – Jonatan Jonsson, Erik Flataker (Alejandro Diaz frå 69.), Sondre Ørjasæter
