Tap mot Kongsvinger

Det vart tøft borte mot topplaget Kongsvinger på Gjemselund fredag kveld.

– Eg er ikkje fornøgd med å tape 5–1. Me forsøker å ta dei høgt, men dei får litt for enkle mål. Me blir rett og slett kontra i senk, og dei leia 3–0 før det hadde gått eit kvarter. Då blir det tungt, seier Even Hovland.

Sogndal hadde mykje ball og forsøkte seg med eit høgt press. Men me vart straffa knallhardt på kontringar. Tre baklengsmål på dei tre første skota imot er tungt.

Even Hovland reduserte til 1–3 med sitt første mål etter comebacket i kvitt og svart. Like etter fekk Tuomas Pippola ei stor moglegheit til å redusere til 2–3, men ei god redning frå heimelaget sin målvakt hindra det.

I staden auka Kongsvinger til 4–1. Etter pausen fastsette dei sluttresultatet til 5–1.

No tek me ferie. Me ladar batteria og kjem tilbake for fullt i andre halvdel av sesongen. Me veit kva som bur i laget.

– Me har hatt ei hektisk veke, og me sit att med tre poeng av seks moglege. No får me lade batteria før haustsesongen, og då må me vera klare, sier Hovland.