Truls Joensen og Lukas Tangedal har signert for Sogndal 2!

Sogndal 2 har styrka stallen med to nye spelarar inn mot haustsesongen, og dei har begge debutert i Kretsligaen. Truls Joensen f. 20. januar 2003 og Lukas Loftheim Tangedal f. 6. august 2008 vart begge speleklare for Sogndal 2 i august.

Truls Joensen er ein angrepsspelar som har meldt overgang frå Tertnes IL. Tidlegare har han spelt for både Øystese og Norheimsund, men no er han klar for å bidra på Sogndal 2. Truls har spelt 42 kampar for Tertnes sitt A-lag i 4. divisjon. For Øystese har han også spelt 4. divisjon, og står med 19 kampar. Han er ein spelar som kan tilføre spelargruppa meir erfaring og alternativ i det offensive spelet med eit tett kampprogram i haust. Truls debuterte i Kretsligaen i bortekampen mot Førde 2 i august.

Lukas Loftheim Tangedal er ein forsvarsspelar som har meldt overgang frå Dale IL. Han har aldersbestemte kampar for Gaular IL og har spelt seniorfotball for Dale. I årets sesong har han 11 kampar for Dale i Kretsligaen, og totalt står han med 15 kampar for Dale sitt A-lag. Lukas har hospitert med Sogndal Fotball tidlegare og har kampar i nasjonal serie for oss. I årets sesong har han blant anna 8 kampar for Sogndal NG17. No har han altså meldt overgang og blitt ein del av Sogndal 2-troppen. Debuten i Kretsligaen kom i bortekampen mot Førde 2 i august.

Me ønskjer begge to hjarteleg velkommen!

STAO NO PAO!