Sogndal Fotball og Vikingur er samde om ein permanent overgang for Valdimar Þór Ingimundarson.

Valdimar kom til oss som eit friskt pust frå Strømsgodset i januar 2022. Han vart fort ein yndling på Fosshaugadn og i klubben med sin identitet, kraft og engasjement. Etter to år i Sogndal og til saman fire år i Norge hadde Valdi no eit ønskje om å ta eit nytt steg i karrieren. Vikingur vann den islandske serien i 2023, og skal spela kvalifisering til Champions League neste sesong. Han har også ein kjæraste på Island som gjorde valet enklare.

I løpet av to sesongar i Sogndal vart det 14 mål og 8 målgjevande pasningar for Valdi. Han har levert gode prestasjonar både som spiss og på midtbana, men også lagt ned mykje innsats, kraft og engasjement på bana. 

Me takkar Valdi for innsatsen i Sogndal og ønskjer han masse lukke til på nye eventyr!