Sogndal Fotball og Hypebuzz Football Club er samde om ein låneavtale med opsjon på permanent overgang for midtstoppar Emmanuel Oluwafemi Olugbe, f. 14. oktober 2005! Avtalen strekkjer seg til 31.12.2024.

Emmanuel er ein nigeriansk midtstoppar som har vore på prøvespel hjå oss sidan februar og fått prøva seg både i trening og i kamp. Her har han gjort sakene sine so bra at me no ønskjer å ha han med vidare.

- Emmanuel har gjort sakene sine veldig bra sidan han kom til oss på prøvespel i midten av februar. I fyrste omgang låner me han ut året, slik at me får følgja utviklinga hans tett. Det gjer oss tryggleik før me eventuelt løyser ut opsjon, seier Håvard Flo.

Emmanuel er ein midtstoppar med mykje fart og duellstyrke. I treningskampane har han vist at han er ein lovande spelar med mykje potensiale. Utanfor bana er han ein kjekk gut som raskt blei ein del av gjengen. 

- Me ønskjer å takke Hypebuzz og personane som har vore involvert for å ha fått avtalen i hamn, legg Håvard Flo til.

Me er glade for at Emmanuel blir med oss vidare, og ser fram til å sjå han i aksjon igjen! Neste moglegheit er allereie på laurdag når me tek i mot Mjøndalen på Fosshaugadn. Avspark er klokka 16:00, og Skraol Pub opnar klokka 14:00. Velkommen!

STAO NO PAO!