Viktig siger mot Start!
To islandske mål sikra tre poeng
Det vart 2-1 og tre nye poeng på kontoen då me hadde besøk av Start i dag. Stillinga til pause var 0-0 etter at Start hadde dominert banespelet i store deler av omgangen.
Så smalt det etter 54 minutt. Martin André Sjølstad slo eit glitrande overlegg til Jónatan Jonsson. Han venda bort nokre gule trøyer før han banka ballen i krysset bak Start sin keeper.
I det 70. minuttet fekk Start straffe som dei skåra på, men det tok ikkje luven frå karane våre. Seks minutt etter utlikninga klinka Valdimar Ingimundarsson til i feltet og ballen dundra i nettet. 2-1!
Les fyldig kampreferat i Firdaliven
Trenar Tore Andre Flo var veldig glad etter kampen. Her kan du sjå kva han sa i garderoben etter kampen, og Ropet med Rasmus Mo! I pressesona snakka me med ein stolt trenar.
Kasper Skaanes var eit stort smil etter møtet med gamleklubben.
No er det berre å restituera godt. På onsdag ventar ein ny viktig kamp på karane. Då er det 3. runde i cupen, og me får Moss på besøk. Billett til den kampen kjøper du her
Sogndal – Start 2–1 (0–0)
OBOS-ligaen, 11. serierunde, Fosshaugane Campus, søndag 4. juni
Mål: 1–0 Jonatan Jonsson 55. min, 1–1 Luc Mares 70. min, 2–1 Valdimar Ingimundarson 76. min
Gule kort: Mathias Grundetjern, Start
Domar: Mischa Kellerhals, Orre IL
Tilskodarar: 1688
Sogndal (4–3–3): Sogndal (4–3–3): Renze Fij – Andreas Hoven, Andreas van der Spa, Daniel Arrocha, Martin Sjølstad (Per-Egil Flo frå 84.) – Kristoffer Nessø, Valdimar Ingimundarson, Kasper Skaanes – Jonatan Jonsson (Isaac Twum frå 84.), Erik Flataker (Endre Kupen frå 90.), Sondre Ørjasæter (Mansour Gueye frå 90.)
Start (3–4–3): Mark Jensen – Luc Mares, Vito Wormgoor, Fabian Ness – Bjarni Antonsson (Jesper Gregersen frå 59.), Emir Derviskadic (Zakaria Sawo frå 71.), Mathias Grundetjern, Tom Henning Strannegård – Sindre Osestad (Adrian Nilsen frå 71.), Alagie Sanyang, Henrik Robstad
