Vil laget ditt vere ballhentar på Fosshaugane Campus?

Å vere ballhentar er både kjekt, sosialt og lærerikt, og gir eit unikt innblikk i kampdagen frå innsida. 

Som ballhentar får de: 

• Gå saman med A-laget ut til kampstart 
• Sjå oppgjeret frå indre bane 
• Bidra til god flyt i kampen 
• Skape gode lagminne saman 

Dette er ei oppleving mange hugsar lenge! 

Me ønskjer lag: 

• I alderen ca. 12–14 år 
• Med minimum 8 og maksimum 12 spelarar 
• Som kan stille samla som lag 

Praktisk informasjon 

• Oppmøte før kampstart (info kjem ved tildeling) 
• Kort gjennomgang av oppgåver før kamp 
• Enkle oppgåver under kamp (hente ballar og halde tempo i spelet) 
• Moglegheit for lagbilete etter kamp 

Laget som stiller med ballhentarar får 10 gratis kampbillettar til vaksne for gjeldande kamp. 

Slik melder de interesse 

Vil laget ditt vere med? Send e-post til [email protected] med: 

• Lagnamn 
• Kontaktperson 
• Alder på spelarane 

Merk! 

Det er avgrensa tal plassar – førstemann til mølla! 

Bli ein del av kampdagen 

Heimekampane på Fosshaugane Campus er ein viktig møteplass for både spelarar og publikum. Som ballhentar er de med og bidreg til å skape ramma rundt kampane våre. 

Me håpar å sjå laget ditt på sidelinja!