Sogndalspelarane jobba knallhardt på Idrettsparken, og fekk betalt for strevet.

Notodden hang ikkje med og vart lågere og lågare utover i kampen. Fullt fortent siger til laget frå Saftbygda.

- Solid kamp der me jager masse, og me held nullen, seier Bakke.

- Det var ein veldig god kamp for oss. Me får øvd på å dominere og halde ballen i laget. Sjølvsagt skulle me gjerne sett fleire mål, men me blir til for engstelege mot slutten. Gutane ynskjer å sikre sigeren, og det er fint. Fleire mål kjem det utover i sesongen, seier Bakke.

- I tillegg så kostar det krefter å jage slik me gjer. Så det er enklare for meg å stå å rope på fleire mål langs sidelinja, enn for dei som faktisk spring ut på der, smiler Bakke.

- Laget jobba knall hardt i dag.

Baktunge
- Det overraska meg litt at Notodden vart så baktunge. Me hadde ikkje forventa å måtte ta så mykje initiativ i kampen som det me faktisk gjorde. Og det skal spelarane ha, dei tok tak og viste kva potensiale dei sit inne med. Det er bra vinnarvilje i denne gjengen her, seier Bakke.

Per Magnus stod fram
- Per Magnus gjekk verekelg føre i dag. Han har ikkje hatt den beste oppladinga til kampen, då han har vore sjuk. Men Per Magnus tok tak og stod fram, seier ein nøgd Bakke.

- Det er solid gjennomført av hele laget, og slike kamper det blir fleire av i år, og då må me levere slik som i dag, seier Bakke.

Ei travel veke i vente
Karadn er på veg tilbake til Saftbygda, og allereie onsdag ventar Fyllingsdalen borte i NM. Søndag 6. mai ventar Sandnes Ulf heime på Fosshaugane Campus.

Kjøp kampbillett til Sogndal - Sandnes Ulf her

Me ynskjer dei god tur heim, og gler oss til onsdag!