Me har reist austover og er klare for vår første bortekamp i årets seriespel.

I dag skal det smella på Jessheim når me møter Ull/Kisa. Det er ein godt skjerpa gjeng som har reist over fjellet. Fjorårets tap skal revansjerast, heimelaget skal få kjenna at karane har hatt eit godt inntak av Lerum-saft denne veka.

Me reiste etter treninga i går. I strålande solskin hadde me ein fin tur austover, og lasagnaen på Nesbyen Kro smakte som alltid fantastisk. Me får alltid topp servering der.

I dag er det kampførebuing på programmet og so er det avspark klokka 18.00.

Trenar Eirik Bakke er optimist før dagens oppgjer.

Runden
Aalesund og Kongsvinger starta Runde 2 allereie i går. Tangotrøyene drog i land tre poeng etter 1-0, og har fått ein god start på poengfangsten.

AaFK - Kongsvinger 1-0 (spelt laurdag)

HamKam- Tromsdalen kl. 15.00
Jerv - Strømmen kl. 15.00
KFUM Oslo - Start kl. 15.00
Raufoss - Sandefjord kl. 15.00
Notodden - Skeid kl. 18.00
Sandnes Ulf - Nest-Sotra kl. 18.00
Ull/Kisa - Sogndal kl. 18.00

Dagens kamptropp kjem klokka 16, og lagoppstillinga rundt klokka 17.

Vêrmeldinga
Det er strålande solskin her på Austlandet denne søndagsmorgonen, og dette skal halda seg utover dagen. På Yr kan me sjå at det på Jessheim vil vera sol og rundt seks grader under kampen.

Kom på kamp!
Det hadde vore veldig kjekt med masse sogningar og bra trøkk på bortefeltet i dag. Ta turen til Jessheim!

2.runde av OBOS-ligaen 2019

Ull/Kisa - Sogndal 
Jessheim Stadion 
Avspark søndag klokka 18.00

Stao no pao!!

Foto: Ariel Lillestøl