Før Avspark

Me er framme ved runde 15 av årets Eliteserie, og i kveld byr me opp våre vener i Aalesund til dans på Fosshaugane Campus. Avspark er klokka 20.15

Runden startar med eit interessant oppgjer på Åråsen: Lillestrøm - Strømsgodset. Det er to lag som ligg rundt oss på tabellen.

Dette er runde 15:

Laurdag
Lillestrøm - Strømsgodset kl. 18.00
Sogndal - Aalesund kl. 20.15

Sundag
Haugesund - Tromsø kl.18.00
Molde - Viking kl. 18.00
Odd - Sarpsborg 08 kl. 18.00
Sandefjord - Stabæk kl. 18.00
Brann - Vålerenga kl. 20.00

Måndag
Kristiansund - Rosenborg kl. 19.00

For alt av statistikk om Eliteserien 2017, sjå VG Live

Me tok ein prat med Kjetil Wæhler og Martin Ramsland etter treninga i går. 

Kjetil har slete litt med eit kne, men har vore på trening heile veka og er klar til kamp i kveld. - Det er tre poeng som gjeld! seier ringreven, som i dagens kamp blir historisk som den eldste utespelaren i Eliteserien gjennom tidene.

Martin stod over mot Rosenborg sist, då han sona for tre gule kort. Sørlendingen har lada batteria godt og sugen på nye skåringar.

Eirik Bakke gler seg til kamp, og har prenta inn i gutta at alle må levera maks i kveld.
- Aalesund har levert ein veldig bra sesong so langt, Fredriksen og kompani gjer ein god jobb der oppe.

Eirik tok seg óg tid til å mimra litt frå sine eigne opplevingar rundt Lerum Cup, som går av stabelen denne helga.

Vêrmeldinga
Det er full sommar her i Sogn etter ein litt regnfull og kald periode. I går hadde me strålande solskin og mange varme grader. I dag er det eit lite skydekke over den vakre bygda vår, men temperaturen er fin. Yr fortel at det blir rundt 20 grader under kampen. Alt ligg til rette for ein flott fotballkveld!

BillettBui opnar lukene klokka 18.00. Det er venta mange folk i kveld, her kan du sikra deg inngang på nettet.

Les meir om Aalesund her

Sogndal - Aalesund
Fosshaugane Campus
Avspark klokka 20.15

Stao no pao!!