Bli fotballspelar i Sogndal!

Sogndal Fotball består av så mykje meir enn berre A-laget, og me ønskjer å tilby eit fotballtilbod til alle. Uansett om du ønskjer å satse på fotballen, eller om du berre vil halde deg aktiv i kvardagen, kan du bli med på eit av våre tilbod frå hausten! Ta gjerne kontakt og bli ein del av fotballmiljøet i Saftbygda!

Kvinnefotball

På damesida har klubben to lag på seniornivå, og begge spelar i 3. divisjon Sogn og Fjordane.

Sogndal damer 1 er eit lag som baserer seg på spelarar frå ungdomsfotballen (15-17 år), og spelar sin fyrste sesong på seniornivå. Desse jentene har også bite godt frå seg i NM, og skal inn i vidare spel i Adidas Cup.

Sogndal damer 2/Sogndal FK damer 2 er eit samarbeidslag med toppsatsinga Sogndal FK Damer. Laget hevdar seg i toppen av 3. divisjon, og til hausten er dei på utkikk etter fleire lagveninner. Om du ønskjer å satse på fotballen, eller om du berre vil ha ein sosial og aktiv hobby, har me tilbodet til deg. Ta gjerne kontakt for ein uforpliktande prat eller om du har nokre spørsmål.

Gjennom Sogndal FK Damer får ein moglegheit til å satse på fotballdraumen med topp fasilitetar og tilrettelegging. Dei spelar i 2. divisjon for kvinner, og får teste seg mot nasjonalt nivå. Klubben har fleire landslagsspelarar, og dei siste åra har fleire tatt steget vidare til Toppserien etter spel her i Sogndal.

Kontaktinfo kvinnefotball:

• Kristian Ask, sportsleg leiar for breiddeavdelinga - [email protected], 915 81 031
• Sebastian Kaldestad, dagleg leiar Sogndal FK Damer - [email protected], 977 42 699
• Katrine Wolff Bolseth, trenar Sogndal damer 2/SFKD 2 - [email protected]
• Kjetil Sønnesyn, trenar Sogndal damer 1 - [email protected]

Herrefotball

På herresida er det totalt 3 seniorlag i Sogndal Fotball. A-laget vårt spelar i OBOS-ligaen, Sogndal 2 spelar i 4. divisjon og Sogndal 3 spelar i 6. divisjon. Troppen i OBOS-ligaen består av profesjonelle fotballspelarar, medan Sogndal 2 er ei gruppe spelarar som satsar mot opprykk til 3. divisjon. Klubben har eit sterkt ønskje om å etablere dette laget i 3. divisjon, for å få ein betre utviklingsarena for våre spelarar. Sogndal 3 er eit breiddetilbod for alle som kunne tenke seg å spele fotball på fritida, både i trening og kamp.

Kontaktinfo herrefotball:

• Kristian Ask, sportsleg leiar for breiddeavdelinga - [email protected], 915 81 031
• Nils Tore Krosshaug, trenar Sogndal 2 - [email protected]
• Alexander Orrestad, trenar Sogndal 3 - [email protected]

Sogndal United

Sogndal United er eit lavterskel fotballtilbod for dei med psykisk og fysisk utviklingsnedsetting i Sogn og Fjordane. Sogndal United samlast ein gong i veka og gjennomfører varierte fotballøkter. Treningane blir lagt opp på ein måte som gjer at alle kan delta. Det er stort fokus på å ha det kjekt med fotballen, og det sosiale rundt ei slik samling. Her får ein verkeleg sjå engasjement, innsats og fotballglede! Trenarane for laget er Mia Sævig Eriksen og Julie Slattum Pettersen.

Kontaktinfo Sogndal United:

• Mia Sævig Eriksen, trenar - [email protected], 948 76 687

Me ønskjer dykk velkommen til eit av våre fotballtilbod i haust, og håpar du vil ta del i fotballmiljøet i Sogndal!

STAO NO PAO!